OPERA

Lu funnu pari tuttu 'nnargintatu;
'nu regnu ti mishteri e maravigli;
'nu purpu 'nturtigghiatu alli conchigli
'nu cierru mu' shta ffaci vuddicà'.

"Appont'lu cu la froscia
e nno' t'lu fa' scappà!
'Nu purpu com'a ccuddu
'addò' l'hatà truvà'?

Lu purpu quann'è ffriscu
ti dà cchiù 'ssa' ardori
e tteni cchiù sapori
quannu ta l'ha' mancià'!".

Mu' shta pi 'nfurciddà' lu piscatori
la bbedda crïatura ti lu mari
ca no' nc'è mancu 'ntisu lu rumori
e ssùbbutu si metti a natari.

E nata, nata cu s'ni va luntanu
ti 'shtu bruttu crishtianu senza cori,
ma 'n atru, prontu cu la froscia mmanu,
e 'ncapu ci faci trapanà'.

"Oh mamma, cce ddulori!
Cce morti ca hava ffa'!
Cce ffattu 'shta criatura
pi ttanta cruteltà?".

La corpa non è mancu
t'lu pov'ru piscatori
ca ci no' ppigghia purpi,
comu faci a campà'?".

Nota: Non allego traduzione per insufficienza
di caratteri. Questa poesia in vernacolo sanvitese vuol far comprendere al lettore
che l'istinto di autoconservazione induce
l'uomo a comportarsi crudelmente con le
altre creature.