POESIA

Quannu t'incuntravu parravi cu alligria,
e iju, mutu, filici, ascutava vicinu a tia.
Ti pinzu e la vita mi pari tutta un ciuri;
ora, luntanu, sintu la musica e l’amuri.

Taliju Mungibiddu e lu mari sirenu,
ma lu cori l’haju vicinu a lu to senu.

Quannu mi salutasti, mi disti la manu
e lu to ciauru mi lu purtavu apprissu;
ora ca nun ci sì mi resta sulu chissu
e ddi jurnati ca nun passavu ’nvanu.

Lu distinu nni lu munnu ioca l’omu,
ca, dispratu, senza pirchì né comu,
doppu ca di li beddi cosi s’innamura
tanti voti resta affrittu e a la marmura.

Gino Ragusa Di Romano
Dal mio libro "LACRIME E SORRISI"
Altri miei libri editi: PATEMA - MIELE E FIELE - ACCENTI D'AMORE E DI SDEGNO - SPERANZE E DELUSIONI